შთამომავლობა

კოტე მარჯანიშვილის სახელმწიფო დრამატული თეატრი

ორმოქმედებიანი პიესა

პრემიერა გაიმართა 1979 წლის 20 აპრილს

ავტორი – ალექსანდრე ჩხაიძე

დამდგმელი რეჟისორი – გიგა ლორთქიფანიძე

მხატვარი – ოლეგ ქოჩაკიძე, ალექსანდრე სლოვინსკი, იური ჩიკვაიძე

კომპოზიტორი – ოთარ რამიშვილი

„შთამომავლობა“ ლეგენდარული ქართველი მსახიობის, ვერიკო ანჯაფარიძის ერთ-ერთი ბოლო დრამატული როლია მარჯანიშვილის თეატრის სცენაზე. ის თავადური წარმომავლობის მოხუცი ბებიის როლს თამაშობს, რომლისთვისაც გაუგებარია კომუნისტურ საზოგადოებაში გაბატონებული ცხოვრებისეული კანონები, რომლებიც სრულიად სცილდება იმ მორალურ კოდექსებს, რომელზეც ის და მისი თაობის ადამიანები აღიზარდნენ. ეს იწვევს მის კონფლიქტს ოჯახის დანარჩენ კონფორმისტ წევრებთან, რომელთა მშვიდ და იდილიურ ცხოვრებას ციხიდან ახლად დაბრუნებული შვილიშვილი და მისი მეგობარი არღვევენ.